विंडोज एक्सपीची बाजी

विंडोज सिस्टिम विकसित करण्याचा कालावधी तीन ते चार वर्षांचा असतो. व्हिस्ताने मात्र पाच वर्षांहून अधिक काळ घेतला. दरम्यानच्या काळात एक्सपीचा ‘सव्हिर्स पॅक दोन’ही आला आणि त्यानी एक्सपी अधिक सुलभ करून टाकले…

कम्प्युटर घरी आणताना त्यात कोणती प्रणाली असावी, याचा विचार ग्राहकाला करावा लागतो. बहुतांशपणे विंडोज सिस्टिमच बसविली जाते. नाही म्हणायला याला पर्यायी लिनक्स सिस्टिम उपलब्ध आहे; पण ती अजून म्हणावी तशी लोकप्रिय नाही. सध्या विंडोज एक्सपी ही सर्वात चांगली समजली जाते. मायक्रोसॉफ्टने ती पाच वर्षांपूवीर् बाजारात आणली. ती लगेचच लोकप्रिय झाली. याचे मुख्य कारण ती ‘यूजर फ्रेंडली’ आहे. कम्प्युटरचे कमी ज्ञान असणाऱ्यालाही ती उत्तम मार्गदर्शक ठरते. या एक्सपीनंतर मायक्रोसॉफ्टने बराच गाजावाजा करून आणि कोट्यवधी डॉलर खर्चून विंडोज व्हिस्ता ही प्रणाली बाजारात आणली आहे. पण तिचा जेवढा ढोल वाजवला गेला, तेवढा आवाज झाला नाही आणि काहींच्या मते हा बार फुसकाच ठरला आहे. जेवढा प्रतिसाद व्हिस्ताला मिळेल असे वाटत होते, तेवढा अजिबात मिळाला नाही. उलट व्हिस्ता निवडलेल्या काही लोकांनी एकंदर परिस्थिती पाहून पुन्हा एक्सपी लोड करून घेतले.

प्रणाली कोणतीही असो; ते ओरिजनल सॉफ्टवेअर आहे याची खात्री करून घ्यायलाच हवी. जी कोणती विंडोज सिस्टिम तुम्ही निवडाल, ती ओरिजिनलच बसवायला हवी. अन्यथा तुमचा कम्प्युटर सुरक्षित राहण्याची शक्यता फार कमी असते किंवा जवळपास नसतेच. पण बऱ्याचदा याची माहिती नसल्यामुळे म्हणा किंवा थोडेसे पैसे वाचविण्यासाठी म्हणा, अस्सल विंडोजची कॉपी करून नकली विंडोज बसवून घेण्यात येते. याचा परिणाम व्हायचा तोच होतो. सिक्युरिटी अपडेट्स मिळत नाहीत अथवा कोणत्याच घटकांचे अपडेट्स मिळत नाहीत. व्हायरस आणि अन्य ‘कम्प्युटरविघातक’ बाबींचे आक्रमण अशा वेळेस अधिक वेगाने होते व तुम्ही कितीही अँटिव्हायरस अथवा अँटिस्पायवेअर वापरलेत तरी कम्प्युटर कधीही अचनक क्रॅश होऊ शकतो. त्यामुळे कम्प्युटर विकत घेताना त्याच्या खर्चात ओरिजिनल विंडोजचा खर्च समाविष्ट करायलाच हवा.

विंडोज सिस्टिम विकसित करण्याचा कालावधी तीन ते चार वर्षांचा असतो. व्हिस्ताने मात्र पाच वर्षांहून अधिक काळ घेतला. दरम्यानच्या काळात एक्सपीचा ‘सव्हिर्स पॅक दोन’ही आला आणि त्यानी एक्सपी अधिक सुलभ करून टाकले. व्हिस्ता आल्यावर एक्सपी देणे टप्प्याटप्प्याने बंद करावे, असा मायक्रोसॉफ्टचा विचार होता. पण व्हिस्ताचे मर्यादित यश पाहून त्यांनी विचार बदलला आहे, हे त्यांच्याच अधिकृत अहवालावरून दिसते. २००८मध्ये त्यांनी १००पैकी ८५ कम्प्युटरमध्ये व्हिस्ता देण्याचे ठरविले होते व उरलेल्या १५मध्ये एक्सपी बसविणार होते. आता हाच आकडा अनुक्रमे ७८ व २२ असा असेल. म्हणजेच त्यांनी व्हिस्ताचे प्रमाण कमी केले आहे. व्हिस्ता आल्यावरही एक्सपीच्या वाढत्या लोकप्रियतेचेच हे लक्षण आहे. एक्सपीच्या ग्राहकांसाठी आणखी एक खुशखबर आहे. मायक्रोसॉफ्ट एक्सपीसाठी ‘सव्हिर्स पॅक तीन’ पुढील वर्षाच्या सुरुवातीला बाजारात आणणार आहे. यामुळे एक्सपी अधिक वेगाने व अधिक सुलभतेने चालेल. एक्सपी प्रणालीसाठी जे अपडेट्स लागतात, ते दोन प्रकारचे असतात. एक प्रत्येक घटकाचे अपडेट्स आणि दुसरे फक्त अत्यावश्यक अपडेट्स. यापैकी पहिले अपडेट्स देणे हळूहळू थांबविण्यात येईल, दुसऱ्या प्रकारचे अपडेट्स २०१४ सालापर्यंत मिळत राहतील आणि नंतर विंडोज एक्सपीचे आयुष्यमान संपेल असा अंदाज आहे. म्हणजे सध्याच्या एक्सपीधारकांना आणखी काही वषेर् निर्धास्त राहायला हरकत नाही. अर्थात याचे अधिकृत धोरण मायक्रोसॉफ्टने जाहीर केलेले नाही.

विंडोज ९५, मग ९८, मग २०००, विंडोज मी, नंतर एक्सपी, आता व्हिस्ता अशी ही वाटचाल आहे. पण या कुटुंबातला नवा सदस्य २०१०पर्यंत जन्माला येण्याची शक्यता आहे. त्याचे नाव आहे ‘विंडोज सेव्हन’. व्हिस्तानंतर अवघ्या साडेतीन वर्षांनंतर तो लाँच होईल. याचाच अर्थ व्हिस्ताच्या मर्यादा मायक्रोसॉफ्टला कळल्या आहेत. ही प्रत्येक प्रणाली विकसित करत असताना सुरुवातीच्या काळात त्याला एक टोपण नाव दिले जाते. उदा. एक्सपीला ‘व्हिस्लर’ नावाने संबोधले जायचे. व्हिस्ताला ‘लाँगहॉर्न’ म्हटले जाई आणि आगामी विंडोज सेव्हनला ‘ब्लॅककोंब’ नावाने ओळखले जाते.

व्हिस्ता अपेक्षेला उतरली नसली, तर एक्सपीमध्ये बऱ्याच सुधारणा करण्यात आलेल्या आहेत. कम्प्युटर जुना असला तर व्हिस्ता त्यात लोड करता येत नाही. कारण त्यासाठी कम्प्युटरची क्षमता खूप जास्त असावी लागते. तरीही तुमच्या कम्प्युटरमध्ये सध्या एक्सपी आहे व तुम्हाला व्हिस्ता हवा आहे का? तुमचा कम्प्युटर व्हिस्तायोग्य आहे का हे पाहण्यासाठी कोणा इंजिनीअरला बोलवायची गरज नाही. तुम्ही स्वत:च ते पाहू शकता. त्यासाठी मायक्रोसॉफ्टच्या साइटवर जाऊन ‘विंडोज व्हिस्ता अपग्रेड अॅडव्हायझर १.०’ ही फाइल डाउनलोड करा. ६.६ एमबीची ती फाइल आहे. डाऊनलोड पूर्ण झाल्यावर ती ‘रन’ करा. तुमचा कम्प्युटर जरी नवीन असला, तरी तो व्हिस्तायोग्य आहे का याची तपासणी ही फाइल करते व शेवटी व्हिस्तासाठी कायकाय अपडेट करावे लागेल याची यादी देते. तेवढ्या गोष्टी लोड केल्या की कम्प्युटर व्हिस्तायोग्य होतो. प्रत्यक्ष व्हिस्ता मात्र विकत घ्यावे लागते आणि तज्ज्ञ इंजिनीअरकडून बसवावे लागते.

~ by manatala on ऑगस्ट 8, 2007.

तुमचा अभिप्राय नोंदवा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल )

Twitter picture

You are commenting using your Twitter account. Log Out / बदल )

Facebook photo

You are commenting using your Facebook account. Log Out / बदल )

Google+ photo

You are commenting using your Google+ account. Log Out / बदल )

Connecting to %s

 
%d bloggers like this: